Home

De ganze 4.1 aus der Lallenger Schoul huet zesumme mat der Police vun Esch eng Radarkontroll duerchgefouert. Dobäi duerften d’Kanner selwer mat upaken, der Police e bëssen iwwer d’Schëller kucken an esou e klengen Abléck an d’Aarbecht vun der Police kréien.

Natierlech hunn d’Kanner bei enger klenger Vitessiwwerschreidung kee Protokoll ausgestallt. Amplaz gouf et fir déi betraffe Chaufferen eng Zitroun . Wien sech un d’Vitesslimitatioun gehalen huet, konnt sech dogéint iwwer eng Orange freeën.

Bei engem méi groussen Excès de vitesse wier et allerdéngs net bei Uebst bliwwen: An deem Fall hätt d’Police eng richteg Kontroll duerchgefouert.

Eng flott a léierräich Aktioun, bei där de 4.1 d’Verkéierssécherheet eemol ganz praktesch erliewe konnt!

Réckmeldungen vun de Kanner :

•⁠ ⁠J’ai trouvé le radar cool, parce qu’on peut regarder leur vitesse et on peut les arrêter.
•⁠ ⁠Ech hunn dat mam Radar deck flott fonnt an ech hu gär mat de Leit geschwat.
•⁠ ⁠Ech hunn dat deck cool fonnt, dass ech mam Radar moosse konnt an ech iwwerleeë mir elo op ech och e Polizist well ginn.
•⁠ ⁠Ech hat et gär, well mir hu gesi mat wéi vill km/h d’Autoe fuere.
•⁠ ⁠Ech hoffen, dass se an Zukunft net sou schnell fueren.
•⁠ ⁠Ech hoffen, dass déi déi ze schnell gefuer sinn eng Lektioun geleiert hunn.
•⁠ ⁠Ech hunn et mega cool an elo well ech wierklech Polizistin ginn.
•⁠ ⁠Et war cool fir nozekucken ewéi et ass fir Polizist ze sinn.
•⁠ ⁠Et war cool, well mir d’Geschwindegkeet vun Autoe gemooss hunn.

Et ass nees esou wäit! Schonn zënter 6 Joer trieden d'Klasse vum Cycle 2 bis Cycle 4 beim Lalli Cup géinteneen un. Och dëst Schouljoer waarden nees verschidden Epreuven op eis Schülerinnen a Schüler, bei deenen net nëmme Beweegung, mee och Geschécklechkeet, Teamgeescht an e gudde Kapp gefrot sinn.

Den Optakt mécht dëst Joer de Memo Run, deen de 5. Oktober an der Lallenger Sportshal start.

Hei geet et net nëmmen drëm, séier ze sinn! D'Kanner mussen sech eng bestëmmten Uerdnung vu faarwegen Däppercher ganz genee verhalen. Duerno heescht et: lasslafen, gutt am Kapp behalen, wat ee gesinn huet, an op där anerer Säit déi selwecht Uerdnung nees korrekt noleeën. Konzentratioun, Gediechtnes a Beweegung sinn also gläichermoossen gefrot.

Wéi eng Klass behält och ënner Drock de beschten Iwwerbléck? Wien erënnert sech un all d'Faarwen? A wie sammelt beim éischten Tour déi wichteg Punkten am Kampf ëm de Lalli Cup 2026/2027?

Wéi all Joer kënnt dir de Verlaf vum Lalli Cup op eiser Wiki-Page suivéieren. Do fannt dir d'Resultater an de Klassement, mee och nach vill aner flott Saachen aus eisem Schoulalldag.

Mir wënschen alle Klassen vill Spaass, vill Erfolleg an e gudde Start an déi 6. Editioun vum Lalli Cup!

Wie séchert sech dëst Joer d'Coupe?

D'Schoul Nonnewisen invitéiert häerzlech ob hiert Summerfest 2026 op der Place publique virun der Schoul. Huelt ärch also Méindes, den 13 Juli Zäit a kommt eis tëschent 17 an 20 Auer besichen.

Vir Iessen a Gedrénks ass natierlech gesuercht. D'Klassen aus de Nonnewisen, de Fliedermais an och d'MR maachen Optrëtter. Mär iwwerreechen den Erléis vun eisem Spendelaf. An zum Schluss ass nach eng Diplomiwwerreechung vum C4 geplangt.

Loosst ärch also dëst Fest net entgoen. Mär freeën eis op är Visitt.

An der École Nonnewisen fënnt vum 18. bis de 22. Mee eng Sportswoch statt.

Alles dréint sech ëm Thema Sport, Ernährung, Gesondheet a Wuelbefannen. D'Klasse maachen all Dag vill Beweegungspausen an sportlech Aktivitéiten an der Klass, behandelen Themen iwwert gesond Ernährung an der Science a schwätzen iwwert d'Gesondheet an d'Wuelbefannen am Vieso-Kuer.

Zesummen mat Escher Sportsveräiner kréien d'Kanner een Androck a verschidde Sportarten. All Cycle huet e bestëmmten Dag, wou si un desen Aktivitéiten deelhuelen.

E Spendelaaf Freides, den 22. Mai ass als Oofschloss vun der Sportswoch geplangt.