Aktivitéiten

Projet de service_2024

An deenen éischten zwee Deeg vun der Ouschtervakanz hate mir um "Projet de Service" deelgeholl an dass vill op eisem Site geschafft ginn. E Grupp vu ronn 80 Leit, dovu 50 Kanner a Jugendlecher am Alter vun 11-20 Joer hunn an Zesummenaarbecht mat der Gemeng e flotte Kraidergaart, Insektenhoteler, eng Feierplaz a villes mei gebaut, gebotzt a verschéinert. Et war eng immens schéin Erfarung ze gesi wéi vill een a kuerzer Zäit kann erreechen wann een zesumme schafft. De Grupp huet sech aus Leit aus aller Welt zesummegesat. Och wa mir net all déi selwecht Nationalitéit, Sprooch oder Hautfaarf haten, ware mir d'selwecht. Dofir och de Sproch " Mir sinn all d'Blummen aus engem Gaart". Nieft der Aarbecht, déi benevole war, stoung de soziale Faktor un éischter Stell. Jiddereen huet mat jidderengem geschafft an all déi Barrièren déi soss am Alldag duerch eis verschidden Nationalitéite mol opkomme, ware verschwonnen. E grousse Respekt geet och un déi Verantwortlech vun dem Projet déi dat dräi mol am Joer organiséieren. Sie investéiere vill Zäit an Energie an de Projet an dass schéin ze gesi wéi di positiv Astellung sech och op d'Kanner a Jugendlecher iwwerdréit. Et ass sech vill Merci gesot ginn, sech an der Aarm geholl an et sinn Tréinen aus Dankbarkeet a Stolz gefloss.

De Background vu verschiddenen Kanner / Jugendlechen ass deels erschreckend an et gëtt engem bewosst wéi gutt een et amfong huet. Och ass et ëmsou beandrockend, dass och sou Kanner / Jugendlecher sech melle fir bei sou engem Projet dobäi zesinn. E ganz groussen MERCI nach emol u jiddereen dee gehollef huet eise Site méi schéin ze maachen.

Déirenbesuch zu Ënsber

Fir vun Zäit zu Zäit nach méi Liewen op de Site ze kréien, loosse mir d'Mélanie mat senger "Déirengang" bei eis kommen.

D'Kanner kréien am Detail erklärt wat den Ënnerscheet tëschent deenen verschidden Déieren ass an d'Kanner kennen all Déier upaken.

De Kontakt mam Déier berouegt vill Kanner an et ass fir vill Kanner eng ganz néi Erfarung.

Kleng Ouschterhuesen aus Holz

Als Aktivitéit fir déi méi kleng Gäscht bei eis zu Ënsber, hu mir Huesen aus Holz rausgeschnidden déi d'Kanner konnte molen.

Et si lauter ganz verreckt a faarweg Huesen dobäi rauskomm an d'Kanner hate vill Spaass.

Ouschteren_23

Dank dem schéine Wieder an der Ouschtervakanz, konnte mir vill schéin Aktivitéiten an der Natur machen.

Mir hunn XXL Ouschtereeër gemoolt, een XXL Ouschterhues beim Stau geluecht an d'Kanner konnte vill op der Wiss spillen.

Käerzen

Fir déi schéi Chrëschtzäit hu mir an eisem emdekoréierten Zelt mat de Kanner Käerze gemaach.

Am Zesummenhang mam hellege Mann hu mir de Kanner eng kleng Geschicht erzielt, dass mir Zwergen am Zelt hunn déi een Zauberwuess hunn. D'Kanner konnten sech mat dem Zauberwuess eng Zauberkäerz maachen déi hinne soll Gléck bréngen.

D'Begeeschterung war grouss wéi si bis am Zelt waren an d'Gefill haten an engem Zwergebësch ze sinn. Douce Musek a mystesch Beliichtung hunn déi Stëmmung nach emol ënnerstrach.

Alles an allem eng gelongen Aktivitéit.

Halloween

Den Oktober war eise Grujel-Mount a mir zum Thema Halloween och Kürbisse mat de Kanner ausgehillegt. Mir hate ganz léif Gruppen an et si richteg flott Kürbissen zustane komm. D'Kanner konnten een Téiliicht dra sëtzen an am spéiden Owend konnten d'Kanner hier Kürbissen dunn virun der Dir bewonneren.