All News

Spendelaf

Spendelaf Donneschdes den 16. Mee 2024

MIR hunn 2160 EURO gesammelt fir d’Fondatioun Wonschstär!

Moart fir de gudden Zweck C1 Macon

Den C1 vum Macon huet mat desem flotten Moart 1580 Euro gesammelt déi si spenden!

Eng super Initiativ

Ausstellung iwwert Beien (mat Video)

De Lallenger Schoulgaart-Aarbechtsgrupp huet fir t'Klassen eng flott Ausstellung iwwert Beien organiséiert an dozou bitt den AG nach an hire Fräistonnen zousätzlech Workshops un, wou t'Klassen sech umelle kënnen.

T'Kanner konnten an de Workshops léiere wéi ee mam Wues e Lippenbalsam an och eng Käerz histelle kann, verschidden Hunnegzorte schmaachen an eng Hunnegschmier iessen. Dozou kruten t'Kanner nach ganz vill Informatiounen déi een iwwert t'Beie wësse muss.

Beie sinn net just kleng Insekten, mä och eng onverzichtbar Hëllef fir de Mënsch an d'Natur. Als Bestëbser vu Planzen, spillen si eng entscheedend Roll fir d'Erhale vun der Aartevillfalt an der Produktioun vu Liewensmëttel. Ouni Beie géife vill vun eisen Uebst a Geméis Zorten net existéieren.

Konscht am Quartier

Mär invitéieren ärch mat Freed op d'Ausstellung vum Konschtprojet vum Cycle 1 aus de Nonnewisen.

Mini-Jeux Thionville 25 Juni

Am Kader vum Projet „Mini-Jeux Thionville 2024 » hunn t'Klasse vun der Joffer Cindy a vum Här Lehrer Fabrice am Dezember e Bam geplanzt. De Projet vum "Arboretum" gesäit fir, dass fir déi 24 Klassen déi un de Mini-Spiller deelhuelen, jeeweils 1 Bam geplanzt gëtt. Dës Beem stame vun de 5 Kontinenter a si ronderëm de Stadium de Guentrange zu Thionville geplanzt ginn. De 17. Abrëll gouf den "Arboretum" offiziell ageweit. De 25. Juni huele mir dann un de Mini-Spiller deel.

Gesonde Frühstücksbuffet am C1 bei de Fliedermais

De Cycle 1 bei de Fliedermais huet e Samschten den 20. Abrëll zesumme mat de Kanner an hiren Elteren ee gesonde Frühstücksbuffet gemaach.

Als eischt gouf an Atelieren alles preparéiert an duerno zesumme gutt giess :)

Mär soen allen Elteren a Kanner MERCI fir dee vlotten Moien a freeën eis op eis nächst gemeinsam Aktivitéit

Lalli Cup - Baseball

De Lalli Cup kennt op déi läscht Line droite an et kann nach alles passéieren an deenen 3 Cyclen. Och an dësem Trimester mussen sech Kanner rëm ënner Beweis stellen an des Kéier steet de Baseball am Fokus. Wéi ëmmer fannt dir t'Resultater op eisem Lalli Cup - Site.

De Pausegrupp wënscht den Titulairen an de Kanner vill Spaass.

Konschtprojet mam Lisa Junius

Zesumme mat der lëtzebuergescher Kënschtlerin Lisa Junius, konnte Kanner aus de Cyclen 2 a 3 hiert artistescht Talent ënner Beweis stellen. An der Fotosgalerie kënnt dir déi flott Kreatioune kucken.

Ouschteren zu Lalleng

D'Lallenger Schoul engagéiert sech de Kanner verschidden Themewochen un Hand vun Dekoratiounen a passende Bicher ze presentéieren.

Mir invitéieren Iech eis Fotosgalerie hei drënner ze kucken. Do gesitt dir eise flotten neien Eck.

Lalleng goes Cactus

De 15 a 16 Mäerz huet d‘Lallenger Schoul virum Cactus zu Lalleng gegrillt.

Laut dem Cactus ass sou vill verkaf gi wéi nach ni.

Dowéinst soe mir de Leit déi gehollef hu merci a virun allem den Elteren déi eis iwwert déi 2 Deeg ënnerstëtzt hunn.