Actualité

Am Kader vum Projet „Mini-Jeux Thionville 2024 » hunn t'Klasse vun der Joffer Cindy a vum Här Lehrer Fabrice am Dezember e Bam geplanzt. De Projet vum "Arboretum" gesäit fir, dass fir déi 24 Klassen déi un de Mini-Spiller deelhuelen, jeeweils 1 Bam geplanzt gëtt. Dës Beem stame vun de 5 Kontinenter a si ronderëm de Stadium de Guentrange zu Thionville geplanzt ginn. De 17. Abrëll gouf den "Arboretum" offiziell ageweit. De 25. Juni huele mir dann un de Mini-Spiller deel.

De Lalli Cup kennt op déi läscht Line droite an et kann nach alles passéieren an deenen 3 Cyclen. Och an dësem Trimester mussen sech Kanner rëm ënner Beweis stellen an des Kéier steet de Baseball am Fokus. Wéi ëmmer fannt dir t'Resultater op eisem Lalli Cup - Site.

De Pausegrupp wënscht den Titulairen an de Kanner vill Spaass.

Zesumme mat der lëtzebuergescher Kënschtlerin Lisa Junius, konnte Kanner aus de Cyclen 2 a 3 hiert artistescht Talent ënner Beweis stellen. An der Fotosgalerie kënnt dir déi flott Kreatioune kucken.

D'Lallenger Schoul engagéiert sech de Kanner verschidden Themewochen un Hand vun Dekoratiounen a passende Bicher ze presentéieren.

Mir invitéieren Iech eis Fotosgalerie hei drënner ze kucken. Do gesitt dir eise flotten neien Eck.

De 15 a 16 Mäerz huet d‘Lallenger Schoul virum Cactus zu Lalleng gegrillt.

Laut dem Cactus ass sou vill verkaf gi wéi nach ni.

Dowéinst soe mir de Leit déi gehollef hu merci a virun allem den Elteren déi eis iwwert déi 2 Deeg ënnerstëtzt hunn.

De ganze Cycle 4 huet t'Schüler, souwéi hir Elteren an aner Familljememberen op en interkulturellt Iessen invitéiert. Ganz vill Natioune ware présent, wou een déi eenzel kulinaresch Vilfalt entdecke konnt. Dat ganzt stoung net nëmmen ënnert dem Motto vum Iesse, mee och t'Entdeckung vun de verschidde Kulture war e wichtege Punkt. T'Kanner konnte mat hire Frënn, hirer Famill a mam Enseignant e schéinen Owend verbréngen. Verschidden Andréck kennt dir bei de Fotoe fannen.